चौपाई
जे असि भगति जानि परिहरहीं। केवल ग्यान हेतु श्रम करहीं।।
ते जड़ कामधेनु गृहँ त्यागी। खोजत आकु फिरहिं पय लागी।।
सुनु खगेस हरि भगति बिहाई। जे सुख चाहहिं आन उपाई।।
ते सठ महासिंधु बिनु तरनी। पैरि पार चाहहिं जड़ करनी।।
सुनि भसुंडि के बचन भवानी। बोलेउ गरुड़ हरषि मृदु बानी।।
तव प्रसाद प्रभु मम उर माहीं। संसय सोक मोह भ्रम नाहीं।।
सुनेउँ पुनीत राम गुन ग्रामा। तुम्हरी कृपाँ लहेउँ बिश्रामा।।
एक बात प्रभु पूँछउँ तोही। कहहु बुझाइ कृपानिधि मोही।।
कहहिं संत मुनि बेद पुराना। नहिं कछु दुर्लभ ग्यान समाना।।
सोइ मुनि तुम्ह सन कहेउ गोसाईं। नहिं आदरेहु भगति की नाईं।।
ग्यानहि भगतिहि अंतर केता। सकल कहहु प्रभु कृपा निकेता।।
सुनि उरगारि बचन सुख माना। सादर बोलेउ काग सुजाना।।
भगतिहि ग्यानहि नहिं कछु भेदा। उभय हरहिं भव संभव खेदा।।
नाथ मुनीस कहहिं कछु अंतर। सावधान सोउ सुनु बिहंगबर।।
ग्यान बिराग जोग बिग्याना। ए सब पुरुष सुनहु हरिजाना।।
पुरुष प्रताप प्रबल सब भाँती। अबला अबल सहज जड़ जाती।।
दोहा/सोरठा
-पुरुष त्यागि सक नारिहि जो बिरक्त मति धीर।।
न तु कामी बिषयाबस बिमुख जो पद रघुबीर।।115(क)।।
सोउ मुनि ग्याननिधान मृगनयनी बिधु मुख निरखि।
बिबस होइ हरिजान नारि बिष्नु माया प्रगट।।115(ख)।।
चौपाई
इहाँ न पच्छपात कछु राखउँ। बेद पुरान संत मत भाषउँ।।
मोह न नारि नारि कें रूपा। पन्नगारि यह रीति अनूपा।।
माया भगति सुनहु तुम्ह दोऊ। नारि बर्ग जानइ सब कोऊ।।
पुनि रघुबीरहि भगति पिआरी। माया खलु नर्तकी बिचारी।।
भगतिहि सानुकूल रघुराया। ताते तेहि डरपति अति माया।।
राम भगति निरुपम निरुपाधी। बसइ जासु उर सदा अबाधी।।
तेहि बिलोकि माया सकुचाई। करि न सकइ कछु निज प्रभुताई।।
अस बिचारि जे मुनि बिग्यानी। जाचहीं भगति सकल सुख खानी।।
चौपाई
jē asi bhagati jāni pariharahīṃ. kēvala gyāna hētu śrama karahīṃ..
tē jaḍa kāmadhēnu gṛhaom tyāgī. khōjata āku phirahiṃ paya lāgī..
sunu khagēsa hari bhagati bihāī. jē sukha cāhahiṃ āna upāī..
tē saṭha mahāsiṃdhu binu taranī. pairi pāra cāhahiṃ jaḍa karanī..
suni bhasuṃḍi kē bacana bhavānī. bōlēu garuḍa haraṣi mṛdu bānī..
tava prasāda prabhu mama ura māhīṃ. saṃsaya sōka mōha bhrama nāhīṃ..
sunēuom punīta rāma guna grāmā. tumharī kṛpāom lahēuom biśrāmā..
ēka bāta prabhu pūomchauom tōhī. kahahu bujhāi kṛpānidhi mōhī..
kahahiṃ saṃta muni bēda purānā. nahiṃ kachu durlabha gyāna samānā..
sōi muni tumha sana kahēu gōsāīṃ. nahiṃ ādarēhu bhagati kī nāīṃ..
gyānahi bhagatihi aṃtara kētā. sakala kahahu prabhu kṛpā nikētā..
suni uragāri bacana sukha mānā. sādara bōlēu kāga sujānā..
bhagatihi gyānahi nahiṃ kachu bhēdā. ubhaya harahiṃ bhava saṃbhava khēdā..
nātha munīsa kahahiṃ kachu aṃtara. sāvadhāna sōu sunu bihaṃgabara..
gyāna birāga jōga bigyānā. ē saba puruṣa sunahu harijānā..
puruṣa pratāpa prabala saba bhāomtī. abalā abala sahaja jaḍa jātī..
दोहा/सोरठा
puruṣa tyāgi saka nārihi jō birakta mati dhīra..
na tu kāmī biṣayābasa bimukha jō pada raghubīra..115ka..
sōu muni gyānanidhāna mṛganayanī bidhu mukha nirakhi.
bibasa hōi harijāna nāri biṣnu māyā pragaṭa..115kha..
चौपाई
ihāom na pacchapāta kachu rākhauom. bēda purāna saṃta mata bhāṣauom..
mōha na nāri nāri kēṃ rūpā. pannagāri yaha rīti anūpā..
māyā bhagati sunahu tumha dōū. nāri barga jānai saba kōū..
puni raghubīrahi bhagati piārī. māyā khalu nartakī bicārī..
bhagatihi sānukūla raghurāyā. tātē tēhi ḍarapati ati māyā..
rāma bhagati nirupama nirupādhī. basai jāsu ura sadā abādhī..
tēhi bilōki māyā sakucāī. kari na sakai kachu nija prabhutāī..
asa bicāri jē muni bigyānī. jācahīṃ bhagati sakala sukha khānī..
