चौपाई
मै कृत्कृत्य भयउँ तव बानी। सुनि रघुबीर भगति रस सानी।।
राम चरन नूतन रति भई। माया जनित बिपति सब गई।।
मोह जलधि बोहित तुम्ह भए। मो कहँ नाथ बिबिध सुख दए।।
मो पहिं होइ न प्रति उपकारा। बंदउँ तव पद बारहिं बारा।।
पूरन काम राम अनुरागी। तुम्ह सम तात न कोउ बड़भागी।।
संत बिटप सरिता गिरि धरनी। पर हित हेतु सबन्ह कै करनी।।
संत हृदय नवनीत समाना। कहा कबिन्ह परि कहै न जाना।।
निज परिताप द्रवइ नवनीता। पर दुख द्रवहिं संत सुपुनीता।।
जीवन जन्म सुफल मम भयऊ। तव प्रसाद संसय सब गयऊ।।
जानेहु सदा मोहि निज किंकर। पुनि पुनि उमा कहइ बिहंगबर।।
चौपाई
कहेउँ परम पुनीत इतिहासा। सुनत श्रवन छूटहिं भव पासा।।
प्रनत कल्पतरु करुना पुंजा। उपजइ प्रीति राम पद कंजा।।
मन क्रम बचन जनित अघ जाई। सुनहिं जे कथा श्रवन मन लाई।।
तीर्थाटन साधन समुदाई। जोग बिराग ग्यान निपुनाई।।
नाना कर्म धर्म ब्रत दाना। संजम दम जप तप मख नाना।।
भूत दया द्विज गुर सेवकाई। बिद्या बिनय बिबेक बड़ाई।।
जहँ लगि साधन बेद बखानी। सब कर फल हरि भगति भवानी।।
सो रघुनाथ भगति श्रुति गाई। राम कृपाँ काहूँ एक पाई।।
चौपाई
mai kṛtkṛtya bhayauom tava bānī. suni raghubīra bhagati rasa sānī..
rāma carana nūtana rati bhaī. māyā janita bipati saba gaī..
mōha jaladhi bōhita tumha bhaē. mō kahaom nātha bibidha sukha daē..
mō pahiṃ hōi na prati upakārā. baṃdauom tava pada bārahiṃ bārā..
pūrana kāma rāma anurāgī. tumha sama tāta na kōu baḍabhāgī..
saṃta biṭapa saritā giri dharanī. para hita hētu sabanha kai karanī..
saṃta hṛdaya navanīta samānā. kahā kabinha pari kahai na jānā..
nija paritāpa dravai navanītā. para dukha dravahiṃ saṃta supunītā..
jīvana janma suphala mama bhayaū. tava prasāda saṃsaya saba gayaū..
jānēhu sadā mōhi nija kiṃkara. puni puni umā kahai bihaṃgabara..
चौपाई
kahēuom parama punīta itihāsā. sunata śravana chūṭahiṃ bhava pāsā..
pranata kalpataru karunā puṃjā. upajai prīti rāma pada kaṃjā..
mana krama bacana janita agha jāī. sunahiṃ jē kathā śravana mana lāī..
tīrthāṭana sādhana samudāī. jōga birāga gyāna nipunāī..
nānā karma dharma brata dānā. saṃjama dama japa tapa makha nānā..
bhūta dayā dvija gura sēvakāī. bidyā binaya bibēka baḍaāī..
jahaom lagi sādhana bēda bakhānī. saba kara phala hari bhagati bhavānī..
sō raghunātha bhagati śruti gāī. rāma kṛpāom kāhūom ēka pāī..
