बिहारी जू भवनिधि पार उतारौ,
भवनिधि पार उतारौ,
बिहारी जू भवनिधि पार उतारौ॥
काम क्रोध मद लोभ मोह सँग,
केहि विधि करों गुजारौ,
भाँति भाँति के पाप कर्म ते,
ह्वै गओ तनमन कारौ,
बिहारी जू भवनिधि पार उतारौ॥
परहित कबहुँ भयो न मोपै,
स्वारथ में तन गारौ,
कुटिल, कुचाल, नीच, निन्दारत,
पातक सदा पिआरौ,
बिहारी जू भवनिधि पार उतारौ॥
हों अनाथ अघपुंज जनम कौ,
कबहुँ न नाम उचारौ,
राधाप्रियतम गिरधर मोरे,
अवगुन चित न धारौ,
बिहारी जू भवनिधि पार उतारौ॥
दीनानाथ पतितपावन पन,
निज मन माहिं बिचारौ,
गणिका, गीध, अजामिल तारे,
अबकी मोहि उबारौ,
बिहारी जू भवनिधि पार उतारौ॥
गई बहुत थोरी सी रह गई,
अब तौ नाथ निहारौ,
काके द्वार जाय समदरसी,
श्याम अशोक तिहारौ,
बिहारी जू भवनिधि पार उतारौ॥
बिहारी जू भवनिधि पार उतारौ,
भवनिधि पार उतारौ,
बिहारी जू भवनिधि पार उतारौ॥
bihaari joo bhavanidhi paar utaarau,
bhavanidhi paar utaarau,
bihaari joo bhavanidhi paar utaarau..
kaam krodh mad lobh moh sang,
kehi vidhi karon gujaarau,
bhaanti bhaanti ke paap karm te,
havai go tanaman kaarau,
bihaari joo bhavanidhi paar utaarau..
parahit kabahun bhayo n mopai,
svaarth me tan gaarau,
kutil, kuchaal, neech, nindaarat,
paatak sada piaarau,
bihaari joo bhavanidhi paar utaarau..
hon anaath aghapunj janam kau,
kabahun n naam uchaarau,
radhaapriyatam girdhar more,
avagun chit n dhaarau,
bihaari joo bhavanidhi paar utaarau..
deenaanaath patitapaavan pan,
nij man maahin bichaarau,
ganika, geedh, ajaamil taare,
abaki mohi ubaarau,
bihaari joo bhavanidhi paar utaarau..
gi bahut thori si rah gi,
ab tau naath nihaarau,
kaake dvaar jaay samadarasi,
shyaam ashok tihaarau,
bihaari joo bhavanidhi paar utaarau..
bihaari joo bhavanidhi paar utaarau,
bhavanidhi paar utaarau,
bihaari joo bhavanidhi paar utaarau..
