रे मन हरि सुमिरन करि लीजे।
हरि को नाम प्रेमसों जपिये,
हरि रस रसना पीजै,
हरि गुन गाइय, सुनिये निरंतर,
हरि चरणन चित दीजै।
रे मन हरि सुमिरन करि लीजै।
हरि भगतन की शरण ग्रहण करी,
हरि सँग प्रीत करीजै,
हरि-सम हरि जन समुझि मनहिं मन,
तिनकौ सेवन कीजै।
रे मन हरि सुमिरन करि लीजै।
हरि केहि बिधिसों हमसों रीझै,
सो ही प्रश्न करीजै,
हरि-जन हरिमारग पहिचानै,
अनुमति देहिं सो कीजै,
रे मन हरि सुमिरन करि लीजै।
हरि हित खाइये, पहिरिये हरिहित,
हरिहित करम करीजै ।
हरि हित हरि सन सब जग सेइय,
हरि हित मरिये जीजै।
रे मन हरि सुमिरन करि लीजै।
re man hari sumiran kari leeje.
hari ko naam premason japiye,
hari ras rasana peejai,
hari gun gaaiy, suniye nirantar,
hari charanan chit deejai.
re man hari sumiran kari leejai.
hari bhagatan ki sharan grahan kari,
hari sang preet kareejai,
hari-sam hari jan samujhi manahin man,
tinakau sevan keejai.
re man hari sumiran kari leejai.
hari kehi bidhison hamason reejhai,
so hi prashn kareejai,
hari-jan harimaarag pahichaanai,
anumati dehin so keejai,
re man hari sumiran kari leejai.
hari hit khaaiye, pahiriye harihit,
harihit karam kareejai .
hari hit hari san sab jag seiy,
hari hit mariye jeejai.
re man hari sumiran kari leejai.
