मनै गिण कै दे लिए बोल तीन सौ साठ चौबारे आळी,
तनै खोले नहीं किवाड़ देख रहा बाट चौबारे आळी,
तेरे तैं सै काम जरूरी तूं कती गोलती कोन्या
मैं खड़या गाळ में रूक्के मारूं तूं कती बोलती कोन्या
गेट खोलती कोन्या के होगी लाट चौबारे आळी,
जागा मीची सी होरी थी टूटै थी अंगड़ाई,
कौण गाळ में रूक्के मारै फेर देग्या बोल सुणाई,
देहळीयां धोरै आई छोड़कै खाट चौबारे आळी,
तेरे हाथ में तीर निशाना आज इसनै चलवादे,
के तै उसनै आड़ै बुला ना मनै उड़ै मिलवादे,
कोए खास निशानी ल्यादे कर द्यूं ठाठ चौबारे आळी,
मरण जीण की शर्त लागरी ना इस मैं झूठ कती,
उसका पति फौज में जा रह्या घर पै एकली सोमवती,
उसके पति का नाम मेहर सिंह जाट चौबारे आळी,
संदीप स्वामी
अलवर(राज०
manai gin kai de lie bol teen sau saath chaubaare aali,
tanai khole nahi kivaad dekh raha baat chaubaare aalee
tere tain sai kaam jaroori toon kati golati konyaa
mainkhadaya gaal me rookke maaroon toon kati bolati konyaa
get kholati konya ke hogi laat chaubaare aalee
jaaga meechi si hori thi tootai thi angadaai,
kaun gaal me rookke maarai pher degya bol sunaai,
dehaleeyaan dhorai aai chhodakai khaat chaubaare aalee
tere haath me teer nishaana aaj isanai chalavaade,
ke tai usanai aadai bula na manai udai milavaade,
koe khaas nishaani lyaade kar dyoon thaath chaubaare aalee
maran jeen ki shart laagari na is mainjhooth kati,
usaka pati phauj me ja rahaya ghar pai ekali somavati,
usake pati ka naam mehar sinh jaat chaubaare aalee
manai gin kai de lie bol teen sau saath chaubaare aali,
tanai khole nahi kivaad dekh raha baat chaubaare aalee
