मैं निर्धन तूं सेठ सांवरा के फायदा इसी यारी का
बता कद ताला खोल गो, बाबा बंद किस्मत म्हारी का.
तेरे ते ना मांगूगा तो और बता कित्त जाऊँ मैं
चेतक का के करना ओडी रैड फरारी चाहूँ मैं
मैं पैदल खुद मजा लेवे सै लीले की असवारी का
बता कद ताला खोलेगा ..
इतना दे – दे साँवरिया हो घर में सारी मौज मेरे
मैं भी जिद्द का पक्का सूं ना मांगण आऊँ रोज तेरे
सारी दुनिया में सै चर्चा तेरी लखदात्तारी का
बता कद ताला खोलेगा ..
मांग – मांग के थक गया सूं इब शर्म घणी मनै आवे सै
के मजबूरी मनै देन में इतनी देर लगावे सै
भग्त तेरा भी बाट देख रहया कदका अपनी बारी का
बता कद ताला खोलेगा ..
आज पड़या सै पाला सुनले मांनू मैं भी हार नहीं
या फिर कह दे साँवरिया तनै ” भीमसैन ” ते प्यार नहीं
मैं तेरा तू मेरा सै के लेना दुनियादारी का
बता कद ताला खोलेगा ..
अशोक शास्त्री सारस्वत
mainnirdhan toon seth saanvara ke phaayada isi yaari kaa
bata kad taala khol go, baaba band kismat mhaari kaa.
tere te na maangooga to aur bata kitt jaaoon main
chetak ka ke karana odi raid pharaari chaahoon main
mainpaidal khud maja leve sai leele ki asavaari kaa
bata kad taala kholega ..
itana de de saanvariya ho ghar me saari mauj mere
mainbhi jidd ka pakka soon na maangan aaoon roj tere
saari duniya me sai charcha teri lkhadaattaari kaa
bata kad taala kholega ..
maang maang ke thak gaya soon ib sharm ghani manai aave sai
ke majaboori manai den me itani der lagaave sai
bhagt tera bhi baat dekh rahaya kadaka apani baari kaa
bata kad taala kholega ..
aaj padaya sai paala sunale maannoo mainbhi haar nahi
ya phir kah de saanvariya tanai bheemasain te pyaar nahi
maintera too mera sai ke lena duniyaadaari kaa
bata kad taala kholega ..
mainnirdhan toon seth saanvara ke phaayada isi yaari kaa
bata kad taala khol go, baaba band kismat mhaari kaa.
