यशोदा मैया खोल किवड़िया,
लालो आयो गऊ चराय,
गऊ गोप ग्वालन गऊ संग , बंशी मधुर बजाय,
सुन गोपी जन मन हर्षित भई, चढ़ी अटारी जाय,
यशोदा मैया खोल किवड़िया--
यशोदा मैया करे आरती , फूली नाय समाय,
हँस -हँस लेत बलैयाँ मैया, बार बार बली जाय .
यशोदा मैया खोल किवड़िया---
खिडक खोल कर दीन्ही गईया , बछड़ा रहे चुखाय ,
कारी काजर, धोरी धूगर को रहयो दूध दुहाय
यशोदा मैया खोल किवड़िया--
दुध दुहाय कहे मनमोहन, माखन दे रही माय,
सदलोनी तो होए सवेरो लाला ,पीओ दूध अधाय
यशोदा मैया खोल किवड़िया-----
इतने में एक सखी साँवरी , टेरण पहुँची आय
गोविन्द मोको दूध ना देवे, गैया रही रम्भाय
यशोदा मैया खोल किवड़िया---
सखी साँवरी की मनमोहन ने , जाय दुहाई गाय
आधो दूध दोहन में डारो, आधो रह्यो चढ़ाय
यशोदा मैया खोल किवड़िया---
सखी साँवरी कहने लागी , मधुर-मधुर मुस्काय
सूर श्याम यशोदा के लाला , नित्य दुहावन जाय
यशोदा मैया खोल किवड़िया---
yashod maiya khol kivadiya,
laalo aayo goo charaay
goo gop gvaalan goo sang , banshi mdhur bajaay,
sun gopi jan man harshit bhi, chadahi ataari jaay,
yashod maiya khol kivadiyaa
yashod maiya kare aarati , phooli naay samaay,
hans hans let balaiyaan maiya, baar baar bali jaay .
yashod maiya khol kivadiyaa
khidak khol kar deenhi geeya , bchhada rahe chukhaay ,
kaari kaajar, dhori dhoogar ko rahayo doodh duhaay
yashod maiya khol kivadiyaa
dudh duhaay kahe manamohan, maakhan de rahi maay,
sadaloni to hoe savero laala ,peeo doodh adhaay
yashod maiya khol kivadiyaa
itane me ek skhi saanvari , teran pahunchi aay
govind moko doodh na deve, gaiya rahi rambhaay
yashod maiya khol kivadiyaa
skhi saanvari ki manamohan ne , jaay duhaai gaay
aadho doodh dohan me daaro, aadho rahayo chadahaay
yashod maiya khol kivadiyaa
skhi saanvari kahane laagi , mdhuramdhur muskaay
soor shyaam yashod ke laala , nity duhaavan jaay
yashod maiya khol kivadiyaa
yashod maiya khol kivadiya,
laalo aayo goo charaay
