तुम बिनु राम! नहीं कोउ मेरौ,
बिनु तव चरनसरन सीतापति!
दीखै जगत अंधेरौ॥
जब से जनम लियो करुनामय परौ पाप सों भेरौ
कबहुँ राम मुख नाहिं उचारो, यह तन अघ कौ ढेरौ॥
कामक्रोध मद लोभ मोह कौ, चित में तिमिर घनेरौ
करुनानिधी चपलमन मेरौ, सदा पाप कौ चेरौ॥
हे अघ हरन पतित पावन प्रभु, अबकी मोहि निबेरौ
करुनासागर करुना करके, कृपाकोर करि हेरौ॥
रघुबर पापी पतित नीच मति, निजचरनन में फेरौ
सुनहुँ सियापति है अशोक चित, तव पदकंज चितेरौ॥
तुम बिनु राम! नहीं कोउ मेरौ,
बिनु तव चरनसरन सीतापति!
दीखै जगत अंधेरौ॥
tum binu ram! nahi kou merau,
binu tav charanasaran seetaapati!
deekhai jagat andherau..
jab se janam liyo karunaamay parau paap son bherau
kabahun ram mukh naahin uchaaro, yah tan agh kau dherau..
kaamakrodh mad lobh moh kau, chit me timir ghanerau
karunaanidhi chapalaman merau, sada paap kau cherau..
he agh haran patit paavan prbhu, abaki mohi niberau
karunaasaagar karuna karake, kripaakor kari herau..
rghubar paapi patit neech mati, nijcharanan me pherau
sunahun siyaapati hai ashok chit, tav padakanj chiterau..
tum binu ram! nahi kou merau,
binu tav charanasaran seetaapati!
deekhai jagat andherau..