रच डारे, भर दिये भंडार ये जग ल रच डारे,
हे जग के सिरमौतिन दाई, अजब हवय वो तोर चरिताई,
किसमकिसम के रंग म, दाई रंग डारे...
झाड़ झरोखा हरियर हरियर, लता पेड़ के डारी वो,
बर पीपर अऊ तुलसी लीम के, जग म करे अधारी वो,
पानी बनाए पियास मिटाये, नदिया नरवा कछारी वो,
पानी घलो म जल के रहइया जीव बनाये चारी वो,
कस डारे, अपन मया के गांठ म, दाई कस डारे,
रच डारे, भर दिये भंडार ये जग ल रच डारे...
का महिमा मैं फूल के गांवव, टेसू मोंगरा के फुले वो,
जेन दुनिया भर ल महकाये, सावन झूलना झूले वो,
चिरईचिरगुन पंछी परेवना, ये रचना कोन भूले वो,
होवत बिहिनिया चिंवचिंव करथे, मया के रस म घुले वो,
कर डारे, ये धरती के हरा सिंगारी कर डारे,
रच डारे, भर दिये भंडार ये जग ल रच डारे...
कई ठन रूप के जीव बनाये, बेंदरा भालू बघूवा वो,
कोनो खाये घांस चबेना, कोनो मांस बर अघुवा वो,
सब झन बर तै चारा बनाये, दार चाऊंर अउ गहुवा वो,
अपनअपन सब भाग ल पाके, मेटाये पेट के भूखवा वो,
हर डारे, सब झन के दुःख पीरा दाई हर डारे,
रच डारे, भर दिये भंडार ये जग ल रच डारे...
सबले अलग तोर रचना हे दाई, ये मनखे के चोला वो,
जेन तोर गुन ल गावत रइथे, आस रखे सब तोला वो,
सब बर जइसे मया बगराये, झन भुलाबे मोला वो,
मोरो पुराबे मन के मनौती, भर देबे खाली झोला वो,
लिख डारे, गौतम तोरे महिमा दाई लिख डारे,
रच डारे, भर दिये भंडार ये जग ल रच डारे...
रच डारे, भर दिये भंडार ये जग ल रच डारे,
हे जग के सिरमौतिन दाई, अजब हवय वो तोर चरिताई,
किसमकिसम के रंग म, दाई रंग डारे...
rch daare, bhar diye bhandaar ye jag l rch daare,
he jag ke siramautin daai, ajab havay vo tor charitaai,
kisamakisam ke rang m, daai rang daare...
jhaad jharokha hariyar hariyar, lata ped ke daari vo,
bar peepar aoo tulasi leem ke, jag m kare adhaari vo,
paani banaae piyaas mitaaye, nadiya narava kchhaari vo,
paani ghalo m jal ke rahiya jeev banaaye chaari vo,
kas daare, apan maya ke gaanth m, daai kas daare,
rch daare, bhar diye bhandaar ye jag l rch daare...
ka mahima mainphool ke gaanvav, tesoo mongara ke phule vo,
jen duniya bhar l mahakaaye, saavan jhoolana jhoole vo,
chireechiragun panchhi parevana, ye rchana kon bhoole vo,
hovat bihiniya chinvchinv karthe, maya ke ras m ghule vo,
kar daare, ye dharati ke hara singaari kar daare,
rch daare, bhar diye bhandaar ye jag l rch daare...
ki than roop ke jeev banaaye, bendara bhaaloo bghoova vo,
kono khaaye ghaans chabena, kono maans bar aghuva vo,
sab jhan bar tai chaara banaaye, daar chaaoonr au gahuva vo,
apanapan sab bhaag l paake, metaaye pet ke bhookhava vo,
har daare, sab jhan ke duhkh peera daai har daare,
rch daare, bhar diye bhandaar ye jag l rch daare...
sabale alag tor rchana he daai, ye mankhe ke chola vo,
jen tor gun l gaavat rithe, aas rkhe sab tola vo,
sab bar jise maya bagaraaye, jhan bhulaabe mola vo,
moro puraabe man ke manauti, bhar debe khaali jhola vo,
likh daare, gautam tore mahima daai likh daare,
rch daare, bhar diye bhandaar ye jag l rch daare...
rch daare, bhar diye bhandaar ye jag l rch daare,
he jag ke siramautin daai, ajab havay vo tor charitaai,
kisamakisam ke rang m, daai rang daare...
