ऐसे वर को क्या वरु मै, जो जन्मे और मर जाय,
वर वरस्यू एक साँवरो, तो म्हारो चुड़लो अमर हो जाय
आज्या मनमोहन मिरां मेड़तनी बुलावे
आज्या मनमोहन मिरां मेड़तनी बुलावे
मिरां बुलावे थाने दासी बुलावे
तुलसी की माला त्यागो सेवा सालगराम की
जप तप नेम व्रत धुन घनश्याम की
भगवा उतारो मिरां राणों समझावे है
बाबोसा मायड म्हाने लाड लडाई
राम जाने राणा संग कय्या परणाई
थारी तो प्रीत राणा दाय कोनी आव रे
पत्थर न काई पूजो इया बोल्या राणा जी
ठाकुर न जिमावो जद सांची प्रीत जाणा जी
झूटी कपटणी कुल के दाग़ लगाव है
दुध को कटोरो भर के ल्याई मिरां बाई
पियो म्हारा भोला ठाकुर भक्त दुहाई
दासी उदासी मिरां आँसू ढलकाव है
मिरां की पुकार सुण के मोटो धणी आयो
दूध को कटोरो भरियो सारो गटकायो
मिरां की प्रतिज्ञा राखे लाज बचावे है
अमर सुहागण भागण राठोड़ा री जाई
पिहरियो सासरियो दोनू त्यारो मिरां बाई
भगत मिरां की ओल्युं माधोसिंह गावे रे
aise var ko kya varu mai, jo janme aur mar jaay,
var varasyoo ek saanvaro, to mhaaro chudalo amar ho jaay
aajya manamohan miraan medatani bulaave
miraan bulaave thaane daasi bulaave
tulasi ki maala tyaago seva saalagaram kee
jap tap nem vrat dhun ghanashyaam kee
bhagava utaaro miraan raanon samjhaave hai
baabosa maayad mhaane laad ladaaee
ram jaane raana sang kayya paranaaee
thaari to preet raana daay koni aav re
patthar n kaai poojo iya bolya raana jee
thaakur n jimaavo jad saanchi preet jaana jee
jhooti kapatani kul ke daag lagaav hai
dudh ko katoro bhar ke lyaai miraan baaee
piyo mhaara bhola thaakur bhakt duhaaee
daasi udaasi miraan aansoo dhalakaav hai
miraan ki pukaar sun ke moto dhani aayo
doodh ko katoro bhariyo saaro gatakaayo
miraan ki pratigya raakhe laaj bchaave hai
amar suhaagan bhaagan raathoda ri jaaee
pihariyo saasariyo donoo tyaaro miraan baaee
bhagat miraan ki olyun maadhosinh gaave re
aise var ko kya varu mai, jo janme aur mar jaay,
var varasyoo ek saanvaro, to mhaaro chudalo amar ho jaay
