क्यों काया भटकावै माया जोड़ जोड़ धर जैगा
गीता ज्ञान सुण्या कर बन्दे परले पार उतर जैगा
१ मात पिता गुरु गौ की सेवा करले तन मन धन लाकै
सेवा तै तेरा पार हो खेवा देख लिए मेवा खाकै
धन चाहवै तो दान करया कर तीरथा के ऊप्पर जाकै
पुत्तर चाहो करो संत की सेवा मोहमाया नै बिसराकै
भूखे नै भोजन करवाकै राज मुल्क पै कर जैगा,
गीता ज्ञान सुण्या कर बन्दे...
२ अंगहीन की सेवा कर ले जो तन्नै बल की चाहना हो
पर नारी तै बच कै रहणा जो तनै वंश चलाना हो
विद्वानों की सीख मानले जो विधा की चाहना हो
गऊ के घी का हवन करया कर जो तनै मींह बरसाणा हो
पाछै तै पछताना हो जै जद्द घड़ा पाप का भर जैगा
गीता ज्ञान सुण्या कर बन्दे...
३ निंदा चुगली करै सुणै तै वो नर बोला गूंगा हो
धन की चोरी करने आला निर्धन भूखा नंगा हो
बिन दोषी कै दोष लावनिया सात जन्म भिखमंगा हो
झूठी गवाही देने वाला कोढ़ी और कुढंगा हो
तेरे तन का ढंग कुढंगा हो तड़प तड़प कै मर जैगा
गीता ज्ञान सुण्या कर बन्दे...
४ खोटी आँख लखाने वाला काणा अँधा हो जैगा
मांस मिटटी के खाने वाला कीड़ा गन्दा हो जैगा
दुखिया नै सतावन वाला सांप परिंदा हो जैगा
हरी की बंदगी करने वाला हर का बाँदा हो जैगा
तेरा यो आपै धंधा हो जैगा जो गुरु साधु राम सिमर जैगा
kyon kaaya bhatakaavai maaya jod jod dhar jaigaa
geeta gyaan sunya kar bande parale paar utar jaigaa
maat pita guru gau ki seva karale tan man dhan laakai
seva tai tera paar ho kheva dekh lie meva khaakai
dhan chaahavai to daan karaya kar teertha ke ooppar jaakai
puttar chaaho karo sant ki seva mohamaaya nai bisaraakai
bhookhe nai bhojan karavaakai raaj mulk pai kar jaiga,
geeta gyaan sunya kar bande...
angaheen ki seva kar le jo tannai bal ki chaahana ho
par naari tai bch kai rahana jo tanai vansh chalaana ho
vidvaanon ki seekh maanale jo vidha ki chaahana ho
goo ke ghi ka havan karaya kar jo tanai meenh barasaana ho
paachhai tai pchhataana ho jai jadd ghada paap ka bhar jaigaa
geeta gyaan sunya kar bande...
ninda chugali karai sunai tai vo nar bola goonga ho
dhan ki chori karane aala nirdhan bhookha nanga ho
bin doshi kai dosh laavaniya saat janm bhikhamanga ho
jhoothi gavaahi dene vaala kodahi aur kudhanga ho
tere tan ka dhang kudhanga ho tadap tadap kai mar jaigaa
geeta gyaan sunya kar bande...
khoti aankh lkhaane vaala kaana andha ho jaigaa
maans mitati ke khaane vaala keeda ganda ho jaigaa
dukhiya nai sataavan vaala saanp parinda ho jaigaa
hari ki bandagi karane vaala har ka baanda ho jaigaa
tera yo aapai dhandha ho jaiga jo guru saadhu ram simar jaigaa
geeta gyaan sunya kar bande...
kyon kaaya bhatakaavai maaya jod jod dhar jaigaa
geeta gyaan sunya kar bande parale paar utar jaigaa
