भांग घोट दे पार्वती , मेरे पे रहया ना जावे…….
भांग छोड़ के क्यों ना भोले , लाडू पेड़े खावे……...
तेरे हाथ में जादू गोरा , भांग तेरी मन भावे……..
हाथा में छाले पड़ जा , क्यों भांग रोज घुटवावे……..
तंग होगी में बहुत घणी , मने पीहर जाना चाहिए
नन्दी ते कहके भोले मने मइके में भिजवईये -
सामण महिमा आया इसमें तू पीहर ना जइये
सिलबट्टे पे रगड़ के भर भर प्याले पियाईये
तेरी भांग मेरे चढ़े मगज में....उल्टी चकर आवे
हाथा में छाले पड़ जा , क्यों भांग रोज घुटवावे.....
तेरे हाथ की भांग पीऊँ तो चढ़ जा मेरे खुमारी
पर्वत ऊपर लगे समाधि सूझे अटल अटारी -
मानो बात मेरी शम्भु में थारी भायता नारी
भांग पियो तो कहे भंगेड़ी तम ने दुनियाँ सारी
मेरी और ने क्यों तू प्यारी तिरछी नजर लखावे
तेरे हाथ में जादू गोरा , भांग तेरी मन भावे……..
मेरे हाथा में दर्द हुया में भांग घोट ना पाऊँ
चस चस काया चसके मेरी भोले माफी चाहूँ -
भांग पिलादे मने घोट के फिर में तने रिझाऊँ
डमरू मस्त बजे ऐसा खुद नाचूँ तने नचाऊँ
के तेरे मन में आ रही क्यों ज्यादा मने तरसावे
हाथा में छाले पड़ जा , क्यों भांग रोज घुटवावे.......
कहे हरीश पालम वाला गुरु मान सिँह का चेला
महाशक्ति गोरा अर्धांगी शिव भोला अलबेला -
मानू बात तेरी वरदानी छोडू नही अकेला
हम दोनू मिलके देखे भोले सामण का मेला
भांग घोट के तने पिलाऊँ यो मेरे मन भाया
तू मेरा में तेरी गोरा करू सदा मन चाहया
तेरे हाथ में जादू गोरा , भांग तेरी मन भावे……..
bhaang ghot de paarvati , mere pe rahaya na jaave...
bhaang chhod ke kyon na bhole , laadoo pede khaave...
tere haath me jaadoo gora , bhaang teri man bhaave...
haatha me chhaale pad ja , kyon bhaang roj ghutavaave...
tang hogi me bahut ghani , mane peehar jaana chaahie
nandi te kahake bhole mane mike me bhijaveeye
saaman mahima aaya isame too peehar na jiye
silabatte pe ragad ke bhar bhar pyaale piyaaeeye
teri bhaang mere chadahe magaj me...ulti chakar aave
haatha me chhaale pad ja , kyon bhaang roj ghutavaave...
tere haath ki bhaang peeoon to chadah ja mere khumaaree
parvat oopar lage samaadhi soojhe atal ataaree
maano baat meri shambhu me thaari bhaayata naaree
bhaang piyo to kahe bhangedi tam ne duniyaan saaree
meri aur ne kyon too pyaari tirchhi najar lkhaave
tere haath me jaadoo gora , bhaang teri man bhaave...
mere haatha me dard huya me bhaang ghot na paaoon
chas chas kaaya chasake meri bhole maaphi chaahoon
bhaang pilaade mane ghot ke phir me tane rijhaaoon
damaroo mast baje aisa khud naachoon tane nchaaoon
ke tere man me a rahi kyon jyaada mane tarasaave
haatha me chhaale pad ja , kyon bhaang roj ghutavaave...
kahe hareesh paalam vaala guru maan sinh ka chelaa
mahaashakti gora ardhaangi shiv bhola alabela
maanoo baat teri varadaani chhodoo nahi akelaa
ham donoo milake dekhe bhole saaman ka melaa
bhaang ghot ke tane pilaaoon yo mere man bhaayaa
too mera me teri gora karoo sada man chaahayaa
tere haath me jaadoo gora , bhaang teri man bhaave...
bhaang ghot de paarvati , mere pe rahaya na jaave...
bhaang chhod ke kyon na bhole , laadoo pede khaave...
tere haath me jaadoo gora , bhaang teri man bhaave...
haatha me chhaale pad ja , kyon bhaang roj ghutavaave...
