भई प्रगट कुमारी
भूमि-विदारी
जन हितकारी भयहारी ।
अतुलित छबि भारी
मुनि-मनहारी
जनकदुलारी सुकुमारी ॥
सुन्दर सिंहासन
तेहिं पर आसन
कोटि हुताशन द्युतिकारी ।
सिर छत्र बिराजै
सखि संग भ्राजै
निज -निज कारज करधारी ॥
सुर सिद्ध सुजाना
हनै निशाना
चढ़े बिमाना समुदाई ।
बरषहिं बहुफूला
मंगल मूला
अनुकूला सिय गुन गाई ॥
देखहिं सब ठाढ़े
लोचन गाढ़ें
सुख बाढ़े उर अधिकाई ।
अस्तुति मुनि करहीं
आनन्द भरहीं
पायन्ह परहीं हरषाई ॥
ऋषि नारद आये
नाम सुनाये
सुनि सुख पाये नृप ज्ञानी ।
सीता अस नामा
पूरन कामा
सब सुखधामा गुन खानी ॥
सिय सन मुनिराई
विनय सुनाई
सतय सुहाई मृदुबानी ।
लालनि तन लीजै
चरित सुकीजै
यह सुख दीजै नृपरानी ॥
सुनि मुनिबर बानी
सिय मुसकानी
लीला ठानी सुखदाई ।
सोवत जनु जागीं
रोवन लागीं
नृप बड़भागी उर लाई ॥
दम्पति अनुरागेउ
प्रेम सुपागेउ
यह सुख लायउँ मनलाई ।
अस्तुति सिय केरी
प्रेमलतेरी
बरनि सुचेरी सिर नाई ॥
दोहा:
निज इच्छा मखभूमि ते प्रगट भईं सिय आय ।
चरित किये पावन परम बरधन मोद निकाय ॥
bhi pragat kumaaree
bhoomi-vidaaree
jan hitakaari bhayahaari .
atulit chhabi bhaaree
muni-manahaaree
janakadulaari sukumaari ..
sundar sinhaasan
tehin par aasan
koti hutaashan dyutikaari .
sir chhatr biraajai
skhi sang bhraajai
nij -nij kaaraj kardhaari ..
sur siddh sujaanaa
hanai nishaanaa
chadahe bimaana samudaai .
barshahin bahuphoolaa
mangal moolaa
anukoola siy gun gaai ..
dekhahin sab thaadahe
lochan gaadahen
sukh baadahe ur adhikaai .
astuti muni karaheen
aanand bharaheen
paayanh paraheen harshaai ..
rishi naarad aaye
naam sunaaye
suni sukh paaye narap gyaani .
seeta as naamaa
pooran kaamaa
sab sukhdhaama gun khaani ..
siy san muniraaee
vinay sunaaee
satay suhaai maradubaani .
laalani tan leejai
charit sukeejai
yah sukh deejai naraparaani ..
suni munibar baanee
siy musakaanee
leela thaani sukhadaai .
sovat janu jaageen
rovan laageen
narap badbhaagi ur laai ..
dampati anuraageu
prem supaageu
yah sukh laayun manalaai .
astuti siy keree
premalateri
barani sucheri sir naai ..
dohaa:
nij ichchha mkhbhoomi te pragat bheen siy aay .
charit kiye paavan param bardhan mod nikaay ..
