अरे घास री रोटी ही , जद बन बिलावडो ले भाग्यो
नान्हो सो अमरियो चीख पड्यो,राणा रो सोयो दुख जाग्यो
अरे घास री रोटी ही
हुँ लड्यो घणो , हुँ सहयो घणो, मेवाडी मान बचावण न
हुँ पाछ नहि राखी रण में, बैरयां रो खून बहावण में
जद याद करुं हल्दीघाटी , नैणां म रक्त उतर आवै
सुख: दुख रो साथी चेतकडो , सुती सी हूंक जगा जावै
अरे घास री रोटी ही
पण आज बिलखतो देखुं हूं , जद राज कंवर न रोटी न
हुँ क्षात्र धरम न भूलूँ हूँ , भूलूँ हिन्दवाणी चोटी न
महलां म छप्पन भोग झका , मनवार बीना करता कोनी
सोना री थालियां, नीलम रा बजोट बीना धरता कोनी
अरे घास री रोटी ही
ऐ हा झका धरता पगल्या , फूलां री कव्ली सेजां पर
बै आज फिरे भुख़ा तिरसा , हिन्दवाण सुरज रा टाबर
आ सोच हुई दो टूट तडक , राणा री भीम बजर छाती
आँख़्यां में आंसु भर बोल्या , में लीख़स्युं अकबर न पाती
पण लिख़ूं कियां जद देखूँ हूं , आ राडावल ऊंचो हियो लियां
चितौड ख़ड्यो ह मगरा में ,विकराल भूत सी लियां छियां
अरे घास री रोटी ही
म झुकूं कियां है आण मन , कुल रा केसरिया बाना री
म बूज्जू कियां हूँ शेष लपट , आजादी र परवना री
पण फेर अमर री सुण बुसकयां , राणा रो हिवडो भर आयो
म मानुं हूँ तिलीसी तन , सम्राट संदेशो कैवायो
राणा रो कागद बाँच हुयो , अकबर रो सपनो सौ सांचो
पण नैण करो बिश्वास नही ,जद बांच-बांच न फिर बांच्यो
अरे घास री रोटी ही
कै आज हिमालो पिघल भयो , कै आज हुयो सुरज शीतल
कै आज शेष रो सिर डोल्यो ,आ सौच सम्राट हुयो विकल्ल
बस दूत ईशारो जा भाज्या , पिथल न तुरन्त बुलावण न
किरणा रो पिथठ आ पहुंच्यो ,ओ सांचो भरम मिटावण न
अरे घास री रोटी ही
बीं वीर बांकूड पिथल न , रजपुती गौरव भारी हो
बो क्षात्र धरम को नेमी हो , राणा रो प्रेम पुजारी हो
बैरयां र मन रो कांटो हो , बिकाणो पुत्र करारो हो
राठोङ रणा म रह्तो हो , बस सागी तेज दुधारो हो
अरे घास री रोटी ही
आ बात बादशाह जाण हो , घावां पर लूण लगावण न
पिथल न तुरन्त बुलायो हो , राणा री हार बंचावण न
म्है बान्ध लियो है ,पिथल सुण, पिंजर म जंगली शेर पकड
ओ देख हाथ रो कागद है, तु देख्यां फिरसी कियां अकड
अरे घास री रोटी ही
मर डूब चुंठ भर पाणी म , बस झुठा गाल बजावो हो
प्रण टूट गयो बीं राणा रो , तूं भाट बण्यो बिड्दाव हो
म आज बादशाह धरती रो , मेवाडी पाग पगां म है
अब बता मन,किण रजवट र, रजपूती खून रगा म है
अरे घास री रोटी ही
जद पिथठ कागद ले देखी , राणा री सागी सेनाणी
नीचै से सुं धरती खसक गयी, आँख़्या म भर आयो पाणी
पण फेर कही तत्काल संभल, आ बात सपा ही झुठी है
राणा री पाग सदा उंची , राणा री आण अटूटी है
अरे घास री रोटी ही
ल्यो हुकम हुव तो लिख पुछं , राणा र कागद र खातर
ले पूछ भल्या ही पिथल तू ,आ बात सही, बोल्यो अकबर
म्है आज सुणी ह , नाहरियो श्यालां र सागे सोवे लो
म्है आज सुणी ह , सुरज डो बादल री ओट्यां ख़ोवे लो
म्है आज सुणी ह , चातकडो धरती रो पाणी पीवे लो
म्है आज सुणी ह , हाथीडो कुकर री जुण्यां जीवे लो म्है आज सुणी ह , थक्या खसम, अब रांड हुवे ली रजपूती
म्है आज सुणी ह , म्यानां म तलवार रहवैली अब सुती
तो म्हारो हिवडो कांपे है , मुछ्यां री मौड मरोड गयी
पिथल न राणा लिख़ भेजो , आ बात कठ तक गिणां सही.
अरे घास री रोटी ही
पिथठ र आख़र पढ्तां ही , राणा री आँख़्यां लाल हुई
धिक्कार मन मै कायर हुं , नाहर री एक दकाल हुई
हुँ भूख़ मरुँ ,हुँ प्यास मरुँ, मेवाड धरा आजाद रहे
हुँ भोर उजाला म भट्कुं ,पण मन म माँ री याद रहे
हुँ रजपुतण रो जायो हुं , रजपुती करज चुकावुंला
ओ शीष पडै , पण पाग़ नही ,पीढी रो मान हुंकावूं ला
अरे घास री रोटी ही
पिथल क ख़िमता बादल री,जो रोकै सुर्य उगाली न
सिंहा री हातल सह लेवै, बा कूंख मिली कद स्याली न
धरती रो पाणी पीवे ईसी चातक री चूंच बणी कोनी
कुकर री जूण जीवेलो हाथी री बात सुणी कोनी
आ हाथां म तलवार थकां कुण रांड कवै है रजपूती
म्यानां र बदलै बैरयां री छातां म रेवली सुती
मेवाड धधकतो अंगारो, आँध्याँ म चम – चम चमकलो
कडक र उठ्ती ताना पर, पग पग पर ख़ांडो ख़ड्कै लो
राख़ो थे मुछ्यां ऐंठेडी, लोही री नदीयां बहा दयुंलो
हुँ अथक लडुं लो अकबर सूं, उज्ड्यो मेवाड बसा दूलो
जद राणा रो शंदेष गयो पिथल री छाती दूणी ही
हिन्दवाणो सुरज चमको हो, अकबर री दुनिया सुनी ही
are ghaas ri roti hi , jad ban bilaavado le bhaagyo
naanho so amariyo cheekh padyo,raana ro soyo dukh jaagyo
are ghaas ri roti hee
hun ladyo ghano , hun sahayo ghano, mevaadi maan bchaavan n
hun paachh nahi raakhi ran me, bairayaan ro khoon bahaavan me
jad yaad karun haldeeghaati , nainaan m rakt utar aavai
sukh: dukh ro saathi chetakado , suti si hoonk jaga jaavai
are ghaas ri roti hee
pan aaj bilkhato dekhun hoon , jad raaj kanvar n roti n
hun kshaatr dharam n bhooloon hoon , bhooloon hindavaani choti n
mahalaan m chhappan bhog jhaka , manavaar beena karata konee
sona ri thaaliyaan, neelam ra bajot beena dharata konee
are ghaas ri roti hee
ai ha jhaka dharata pagalya , phoolaan ri kavli sejaan par
bai aaj phire bhukaha tirasa , hindavaan suraj ra taabar
a soch hui do toot tadak , raana ri bheem bajar chhaatee
aankahayaan me aansu bhar bolya , me leekahasyun akabar n paatee
pan likahoon kiyaan jad dekhoon hoon , a raadaaval ooncho hiyo liyaan
chitaud kahadyo h magara me ,vikaraal bhoot si liyaan chhiyaan
are ghaas ri roti hee
m boojjoo kiyaan hoon shesh lapat , aajaadi r paravana ree
pan pher amar ri sun busakayaan , raana ro hivado bhar aayo
m maanun hoon tileesi tan , samraat sandesho kaivaayo
raana ro kaagad baanch huyo , akabar ro sapano sau saancho
pan nain karo bishvaas nahi ,jad baanchabaanch n phir baanchyo
are ghaas ri roti hee
kai aaj himaalo pighal bhayo , kai aaj huyo suraj sheetal
kai aaj shesh ro sir dolyo ,a sauch samraat huyo vikall
bas doot eeshaaro ja bhaajya , pithal n turant bulaavan n
kirana ro pithth a pahunchyo ,o saancho bharam mitaavan n
are ghaas ri roti hee
been veer baankood pithal n , rajaputi gaurav bhaari ho
bo kshaatr dharam ko nemi ho , raana ro prem pujaari ho
bairayaan r man ro kaanto ho , bikaano putr karaaro ho
raathon rana m rahato ho , bas saagi tej dudhaaro ho
are ghaas ri roti hee
a baat baadshaah jaan ho , ghaavaan par loon lagaavan n
pithal n turant bulaayo ho , raana ri haar banchaavan n
mhai baandh liyo hai ,pithal sun, pinjar m jangali sher pakad
o dekh haath ro kaagad hai, tu dekhyaan phirasi kiyaan akad
are ghaas ri roti hee
mar doob chunth bhar paani m , bas jhutha gaal bajaavo ho
pran toot gayo been raana ro , toon bhaat banyo biddaav ho
m aaj baadshaah dharati ro , mevaadi paag pagaan m hai
ab bata man,kin rajavat r, rajapooti khoon raga m hai
are ghaas ri roti hee
jad pithth kaagad le dekhi , raana ri saagi senaanee
neechai se sun dharati khasak gayi, aankahaya m bhar aayo paanee
pan pher kahi tatkaal sanbhal, a baat sapa hi jhuthi hai
raana ri paag sada unchi , raana ri aan atooti hai
are ghaas ri roti hee
lyo hukam huv to likh puchhan , raana r kaagad r khaatar
le poochh bhalya hi pithal too ,a baat sahi, bolyo akabar
mhai aaj suni h , naahariyo shyaalaan r saage sove lo
mhai aaj suni h , suraj do baadal ri otyaan kahove lo
mhai aaj suni h , chaatakado dharati ro paani peeve lo
mhai aaj suni h , haatheedo kukar ri junyaan jeeve lo mhai aaj suni h , thakya khasam, ab raand huve li rajapootee
mhai aaj suni h , myaanaan m talavaar rahavaili ab sutee
to mhaaro hivado kaanpe hai , muchhyaan ri maud marod gayee
pithal n raana likah bhejo , a baat kth tak ginaan sahi.
are ghaas ri roti hee
pithth r aakahar pdhataan hi , raana ri aankahayaan laal huee
dhikkaar man mai kaayar hun , naahar ri ek dakaal huee
hun bhookah marun ,hun pyaas marun, mevaad dhara aajaad rahe
hun bhor ujaala m bhatkun ,pan man m ma ri yaad rahe
hun rajaputan ro jaayo hun , rajaputi karaj chukaavunlaa
o sheesh padai , pan paag nahi ,peedhi ro maan hunkaavoon laa
are ghaas ri roti hee
pithal k kahimata baadal ri,jo rokai sury ugaali n
sinha ri haatal sah levai, ba koonkh mili kad syaali n
dharati ro paani peeve eesi chaatak ri choonch bani konee
kukar ri joon jeevelo haathi ri baat suni konee
a haathaan m talavaar thakaan kun raand kavai hai rajapootee
myaanaan r badalai bairayaan ri chhaataan m revali sutee
mevaad dhdhakato angaaro, aandhayaan m cham cham chamakalo
kadak r uthti taana par, pag pag par kahaando kahadkai lo
raakaho the muchhyaan ainthedi, lohi ri nadeeyaan baha dayunlo
hun athak ladun lo akabar soon, ujdyo mevaad basa doolo
jad raana ro shandesh gayo pithal ri chhaati dooni hee
hindavaano suraj chamako ho, akabar ri duniya suni hee
are ghaas ri roti hi , jad ban bilaavado le bhaagyo
naanho so amariyo cheekh padyo,raana ro soyo dukh jaagyo
are ghaas ri roti hee
