समय को भरोसो कोनी कद पलटी मार जावे
तुलसी नर का क्या बड़ा, और समय बड़ा बलवान,
काबा लूटी गोपिया, वही अर्जुन वही बाण।
समय समय में होत है, और समय समय की बात,
एक समय का दिन बड़ा, एक समय की रात।।
कदि कदि गाडरा सु सिंघ हार जावे,
कदि कदि भेडीया सु सिंघ हार जावे,
समय को भरोसो कोणी कद पल्टी मार जावे।।
गुरु वशिष्ठ महामुनी ग्यानी, लिख लिख बात बतावे,
श्री राम जंगल मे जावे, किस्मत पल्टी खावे,
राजा दशरथ प्राण त्याग दे, हाथ लगा नी पावे,
समय को भरोसो कोणी कदे पल्टी मार जावे।।
राजा हरिश्चन्द्र रानी तारावती रोहिता से कॅवर कहावे,
ऐसो खेल रच्यो म्हारा दाता, तीनो ही बिकवा जावे,
एक हरिजन एक ब्राम्हण घर, एक कुबजा घर जावे,
समय को भरोसो कोनी कदे पल्टी मार जावे।।
राजा की बेटी पदमा कहिये मोर लार परणावे,
मोर जाये जंगल में मर गयो किस्मत पलटी खावे,
मैहर भयी शिवजी की ऐसी, मोर को मर्द बणावे,
समय को भरोसो कोनी कद पल्टी मार जावे।।
राजा भरत री रानी पिंगला, मेहला मे सुख पावे,
शिकार खेलने राजा भरत जी जगल माई जावे,
गोरखनाथ गुरु ऐसा मिलेया, राजा जोगी बन जावे,
समय को भरोसो कोणी कदे पल्टी मार जावे।।
गुरु कहे ममता की बाणी, अमृत रस बरसावे,
म्हारो मनड़ो कयो नई माने, फिर फिर गोता खावे,
हरिदास गुरु मिलया पूरा, रामदास जस गावे,
समय को भरोसो कोनी कदे पल्टी मार जावे।।
समय को भरोसो कोनी कद पलटी मार जावे ******मनोज शर्मा श्री बाला जी ******* / ******
samay ko bharoso koni kad palati maar jaave
tulasi nar ka kya bada, aur samay bada balavaan,
kaaba looti gopiya, vahi arjun vahi baan
samay samay me hot hai, aur samay samay ki baat,
ek samay ka din bada, ek samay ki raat
kadi kadi gaadara su singh haar jaave,
kadi kadi bhedeeya su singh haar jaave,
samay ko bharoso koni kad palti maar jaave
guru vshishth mahaamuni gyaani, likh likh baat bataave,
shri ram jangal me jaave, kismat palti khaave,
raaja dsharth praan tyaag de, haath laga ni paave,
samay ko bharoso koni kade palti maar jaave
raaja harishchandr raani taaraavati rohita se kaivar kahaave,
aiso khel rachyo mhaara daata, teeno hi bikava jaave,
ek harijan ek bramhan ghar, ek kubaja ghar jaave,
samay ko bharoso koni kade palti maar jaave
raaja ki beti padama kahiye mor laar paranaave,
mor jaaye jangal me mar gayo kismat palati khaave,
maihar bhayi shivaji ki aisi, mor ko mard banaave,
samay ko bharoso koni kad palti maar jaave
raaja bharat ri raani pingala, mehala me sukh paave,
shikaar khelane raaja bharat ji jagal maai jaave,
gorkhanaath guru aisa mileya, raaja jogi ban jaave,
samay ko bharoso koni kade palti maar jaave
guru kahe mamata ki baani, amarat ras barasaave,
mhaaro manado kayo ni maane, phir phir gota khaave,
haridaas guru milaya poora, ramdaas jas gaave,
samay ko bharoso koni kade palti maar jaave
samay ko bharoso koni kad palati maar jaave
