॥ दोहा ॥
निश्चय प्रेम प्रतीति ते,
बिनय करैं सनमान ।
तेहि के कारज सकल शुभ,
सिद्ध करैं हनुमान॥
॥ चौपाई ॥
जय हनुमंत संत हितकारी ।
सुन लीजै प्रभु अरज हमारी ॥
जन के काज बिलंब न कीजै ।
आतुर दौरि महा सुख दीजै ॥
जैसे कूदि सिंधु महिपारा ।
सुरसा बदन पैठि बिस्तारा ॥
आगे जाय लंकिनी रोका ।
मारेहु लात गई सुरलोका ॥
जाय बिभीषन को सुख दीन्हा ।
सीता निरखि परमपद लीन्हा ॥
बाग उजारि सिंधु महँ बोरा ।
अति आतुर जमकातर तोरा ॥
अक्षय कुमार मारि संहारा ।
लूम लपेटि लंक को जारा ॥
लाह समान लंक जरि गई ।
जय जय धुनि सुरपुर नभ भई ॥
अब बिलंब केहि कारन स्वामी ।
कृपा करहु उर अंतरयामी ॥
जय जय लखन प्रान के दाता ।
आतुर ह्वै दुख करहु निपाता ॥
जै हनुमान जयति बल-सागर ।
सुर-समूह-समरथ भट-नागर ॥
ॐ हनु हनु हनु हनुमंत हठीले ।
बैरिहि मारु बज्र की कीले ॥
ॐ ह्नीं ह्नीं ह्नीं हनुमंत कपीसा ।
ॐ हुं हुं हुं हनु अरि उर सीसा ॥
जय अंजनि कुमार बलवंता ।
शंकरसुवन बीर हनुमंता ॥
बदन कराल काल-कुल-घालक ।
राम सहाय सदा प्रतिपालक ॥
भूत, प्रेत, पिसाच निसाचर ।
अगिन बेताल काल मारी मर ॥
इन्हें मारु, तोहि सपथ राम की ।
राखु नाथ मरजाद नाम की ॥
सत्य होहु हरि सपथ पाइ कै ।
राम दूत धरु मारु धाइ कै ॥
जय जय जय हनुमंत अगाधा ।
दुख पावत जन केहि अपराधा ॥
पूजा जप तप नेम अचारा ।
नहिं जानत कछु दास तुम्हारा ॥
बन उपबन मग गिरि गृह माहीं ।
तुम्हरे बल हौं डरपत नाहीं ॥
जनकसुता हरि दास कहावौ ।
ताकी सपथ बिलंब न लावौ ॥
जै जै जै धुनि होत अकासा ।
सुमिरत होय दुसह दुख नासा ॥
चरन पकरि, कर जोरि मनावौं ।
यहि औसर अब केहि गोहरावौं ॥
उठु, उठु, चलु, तोहि राम दुहाई ।
पायँ परौं, कर जोरि मनाई ॥
ॐ चं चं चं चं चपल चलंता ।
ॐ हनु हनु हनु हनु हनुमंता ॥
ॐ हं हं हाँक देत कपि चंचल ।
ॐ सं सं सहमि पराने खल-दल ॥
अपने जन को तुरत उबारौ ।
सुमिरत होय आनंद हमारौ ॥
यह बजरंग-बाण जेहि मारै ।
ताहि कहौ फिरि कवन उबारै ॥
पाठ करै बजरंग-बाण की ।
हनुमत रक्षा करै प्रान की ॥
यह बजरंग बाण जो जापैं ।
तासों भूत-प्रेत सब कापैं ॥
धूप देय जो जपै हमेसा ।
ताके तन नहिं रहै कलेसा ॥
॥ दोहा ॥
उर प्रतीति दृढ़, सरन ह्वै,
पाठ करै धरि ध्यान ।
बाधा सब हर,
करैं सब काम सफल हनुमान ॥
.. doha ..
nishchay prem prateeti te,
binay karain sanamaan .
tehi ke kaaraj sakal shubh,
siddh karain hanuman..
.. chaupaai ..
jay hanumant sant hitakaari .
sun leejai prbhu araj hamaari ..
jan ke kaaj bilanb n keejai .
aatur dauri maha sukh deejai ..
jaise koodi sindhu mahipaara .
surasa badan paithi bistaara ..
aage jaay lankini roka .
maarehu laat gi suraloka ..
jaay bibheeshan ko sukh deenha .
seeta nirkhi paramapad leenha ..
baag ujaari sindhu mahan bora .
ati aatur jamakaatar tora ..
akshy kumaar maari sanhaara .
loom lapeti lank ko jaara ..
laah samaan lank jari gi .
jay jay dhuni surapur nbh bhi ..
ab bilanb kehi kaaran svaami .
kripa karahu ur antarayaami ..
jay jay lkhan praan ke daata .
aatur havai dukh karahu nipaata ..
jai hanuman jayati bal-saagar .
sur-samooh-samarth bhat-naagar ..
om hanu hanu hanu hanumant htheele .
bairihi maaru bajr ki keele ..
om haneen haneen haneen hanumant kapeesa .
om hun hun hun hanu ari ur seesa ..
jay anjani kumaar balavanta .
shankarasuvan beer hanumanta ..
badan karaal kaal-kul-ghaalak .
ram sahaay sada pratipaalak ..
bhoot, pret, pisaach nisaachar .
agin betaal kaal maari mar ..
inhen maaru, tohi sapth ram ki .
raakhu naath marajaad naam ki ..
saty hohu hari sapth paai kai .
ram doot dharu maaru dhaai kai ..
jay jay jay hanumant agaadha .
dukh paavat jan kehi aparadha ..
pooja jap tap nem achaara .
nahin jaanat kchhu daas tumhaara ..
ban upaban mag giri garah maaheen .
tumhare bal haun darapat naaheen ..
janakasuta hari daas kahaavau .
taaki sapth bilanb n laavau ..
jai jai jai dhuni hot akaasa .
sumirat hoy dusah dukh naasa ..
charan pakari, kar jori manaavaun .
yahi ausar ab kehi goharaavaun ..
uthu, uthu, chalu, tohi ram duhaai .
paayan paraun, kar jori manaai ..
om chan chan chan chan chapal chalanta .
om hanu hanu hanu hanu hanumanta ..
om han han haank det kapi chanchal .
om san san sahami paraane khal-dal ..
apane jan ko turat ubaarau .
sumirat hoy aanand hamaarau ..
yah bajarang-baan jehi maarai .
taahi kahau phiri kavan ubaarai ..
paath karai bajarang-baan ki .
hanumat raksha karai praan ki ..
yah bajarang baan jo jaapain .
taason bhoot-pret sab kaapain ..
dhoop dey jo japai hamesa .
taake tan nahin rahai kalesa ..
.. doha ..
ur prateeti dar, saran havai,
paath karai dhari dhayaan .
baadha sab har,
karain sab kaam sphal hanuman ..
