आप झरौखे बैठता, अळबलिया सिरदार,
हाज़र रहती गौरड़ी कर सोळा सिणगार,
हो जी सरकार, थारी सूरत प्यारी लागै म्हारा राज,
म्हारा साहेबा, ओ जी म्हारा राज।
पिया गया परदेश में, नैणा टपके नीर,
ओळ्यू आवे पीव की, जिवड़ो धरे ना धीर,
ओ जी उमराव थारे, लेरा लागी आऊं, म्हारा राज।
राजन चाल्या पगा पगा, रथ पर रह गया दूत,
बिलखत छोड़ी कामणि, परिया की सी हूर,
उमराव थारी चलगत प्यारी लागै, म्हारा राज।
म्हारा साहेबा, ओ जी म्हारा राज।
चंदा तेरे चानणे, सूती पलंग बिछाय,
जद जागूँ जद एकली, मरुँ कटारी खाय,
सिरदार म्हारो, जोबण एडो जावे म्हारा राज,
पीव परदेसा था रह्या, सूनी आखातीज,
लुआ चाले जेठ की, जावे बदन पसीज,
ओ जी आसाढा बदळी छाई, अब घर आओ म्हारा राज,
म्हारा साहेबा, ओ जी म्हारा राज।
सावण बरख़ा झुक रही, चढ़ी घटा घनघोर,
कोयल कूक सुनावती, बोले दादुर मोर,
ओ जी उमराव, पपैयो पीव पीव शबद सुनावै, म्हारा राज,
म्हारा साहेबा, ओ जी म्हारा राज।
चम चम चमके बिजळी, टप टप बरसे मेह,
भर भादव बिलखत तजि, भलो निभायो नेह,
ओ जी, उमराव, चैत्र चौमासे ने घर आओ म्हारा राज,
म्हारा साहेबा, ओ जी म्हारा राज।
आसोजां मैं सीप ज्यूँ प्यारी करती आस,
पीव पीव करती धण कहे, प्रीतम ना आवे ना पास,
ओ जी, भरतार इंद्र ओलर ओलर आवे, म्हारा राज,
उमराव जी, ओ जी उमराव।
करूँ कढ़ाई चाव सै, तेरी दुर्गा माय,
आसोजा में आय के, जो प्रीतम मिल जाय,
महाराणी थारे सुवर्ण छतर चढ़ाऊँ, म्हारी माय,
म्हारा साहेबा, ओ जी म्हारा राज।
कातिक छाती कर कठिन, पिया बसे जा दूर,
लालच में बस होय के, बिलखत छोड़ी हूर,
सरकार, धण थारी ऊबी काग उड़ावे, म्हारा राज,
सखी संजोवे दीवळा, पूजे लक्ष्मी मात,
रलमिळ ओढ़े कामणि, ले प्रीतम ने साथ,
सरकार, सखी सब पीव संग मौज उड़ावे, म्हारा राज,
म्हारा साहेबा, ओ जी म्हारा राज।
मंगसर महीना में मेरे, मन में उठे तरंग,
पोष माघ की ठण्ड में, मदन करत मोहे तंग,
उमराव बिना कुण म्हारी, तपत मिटावे म्हारा राज,
फागण में संग की सखी, सभी रंगावै चीर,
मेरा सब रंग ले गयो, बाई जी रो बीर,
होळी ने थारी नार बेरंगी डोळे, म्हारा प्राण,
म्हारा साहेबा, ओ जी म्हारा राज।
साजन साजन मैं करूँ, साजन जीव जड़ी,
चुड़ले ऊपर मांड ल्यूं, बाँचू घड़ी घड़ी,
भरतार थांकी ओळ्यू म्हाने आवे म्हारा राज,
म्हारा साहेबा, ओ जी म्हारा राज।
चेत महीनो लागियो, बीत्यां बारह माँस,
गणगौरया घर आयके, पुरो मन की आस,
उमराव म्हाने हिवड़े स्यूँ लिपटाल्यो म्हारा राज,
ओ जी, उमराव म्हाने हिवड़े स्यूँ लिपटाल्यो म्हारा राज,
म्हारा साहेबा, ओ जी म्हारा राज।
चार कूँट की बावड़ी, ज्यां में शीतल नीर,
आपां रळ मिल न्हावस्यां, नणदल बाई रा बीर,
उमराव थारी चलगत प्यारी लागे म्हारा राज,
ओ जी उमराव, थारी बोली मीठी लागे म्हारा राज,
उमराव थारी बोली मीठी लागे, म्हारा राज।
म्हारा साहेबा, ओ जी म्हारा राज।
चाँदी को एक बाटको, ज्यामें भूरा भात,
हुकुम देवों सरकार थे, जीमां दोन्यूं साथ,
अजी सिरकार थाने, पंखियों ढुळाऊँ म्हारा राज,
ओ जी उमराव, थारी बोली मीठी लागे म्हारा राज,
उमराव थारी बोली मीठी लागे, म्हारा राज।
उमराव जी, ओ जी उमराव।
पीव आया परदेस से, जाजम देइ बिछाय,
तन मन की फेर पुछस्यां, हिवड़े ल्यो लिपटाय,
ओ जी हुकुम करो तो धण, थारी हाजर है म्हारा राज,
ओ जी उमराव, थारी बोली मीठी लागे म्हारा राज,
उमराव थारी बोली मीठी लागे, म्हारा राज।
उमराव जी, ओ जी उमराव
aap jharaukhe baithata, alabaliya siradaar,
haazar rahati gauradi kar sola sinagaar,
ho ji sarakaar, thaari soorat pyaari laagai mhaara raaj,
mhaara saaheba, o ji mhaara raaj
piya gaya paradesh me, naina tapake neer,
olayoo aave peev ki, jivado dhare na dheer,
o ji umaraav thaare, lera laagi aaoon, mhaara raaj
raajan chaalya paga paga, rth par rah gaya doot,
bilkhat chhodi kaamani, pariya ki si hoor,
umaraav thaari chalagat pyaari laagai, mhaara raaj
mhaara saaheba, o ji mhaara raaj
chanda tere chaanane, sooti palang bichhaay,
jad jaagoon jad ekali, marun kataari khaay,
siradaar mhaaro, joban edo jaave mhaara raaj,
peev paradesa tha rahaya, sooni aakhaateej,
lua chaale jeth ki, jaave badan paseej,
o ji aasaadha badali chhaai, ab ghar aao mhaara raaj,
mhaara saaheba, o ji mhaara raaj
saavan barakaha jhuk rahi, chadahi ghata ghanghor,
koyal kook sunaavati, bole daadur mor,
o ji umaraav, papaiyo peev peev shabad sunaavai, mhaara raaj,
mhaara saaheba, o ji mhaara raaj
cham cham chamake bijali, tap tap barase meh,
bhar bhaadav bilkhat taji, bhalo nibhaayo neh,
o ji, umaraav, chaitr chaumaase ne ghar aao mhaara raaj,
mhaara saaheba, o ji mhaara raaj
aasojaan mainseep jyoon pyaari karati aas,
peev peev karati dhan kahe, preetam na aave na paas,
o ji, bharataar indr olar olar aave, mhaara raaj,
umaraav ji, o ji umaraav
karoon kadahaai chaav sai, teri durga maay,
aasoja me aay ke, jo preetam mil jaay,
mahaaraani thaare suvarn chhatar chadahaaoon, mhaari maay,
mhaara saaheba, o ji mhaara raaj
kaatik chhaati kar kthin, piya base ja door,
laalch me bas hoy ke, bilkhat chhodi hoor,
sarakaar, dhan thaari oobi kaag udaave, mhaara raaj
skhi sanjove deevala, pooje lakshmi maat,
ralamil odahe kaamani, le preetam ne saath,
sarakaar, skhi sab peev sang mauj udaave, mhaara raaj,
mhaara saaheba, o ji mhaara raaj
mangasar maheena me mere, man me uthe tarang,
posh maagh ki thand me, madan karat mohe tang,
umaraav bina kun mhaari, tapat mitaave mhaara raaj
phaagan me sang ki skhi, sbhi rangaavai cheer,
mera sab rang le gayo, baai ji ro beer,
holi ne thaari naar berangi dole, mhaara praan,
mhaara saaheba, o ji mhaara raaj
saajan saajan mainkaroon, saajan jeev jadi,
chudale oopar maand lyoon, baanchoo ghadi ghadi,
bharataar thaanki olayoo mhaane aave mhaara raaj,
mhaara saaheba, o ji mhaara raaj
chet maheeno laagiyo, beetyaan baarah maas,
ganagauraya ghar aayake, puro man ki aas,
umaraav mhaane hivade syoon lipataalyo mhaara raaj,
o ji, umaraav mhaane hivade syoon lipataalyo mhaara raaj,
mhaara saaheba, o ji mhaara raaj
chaar koont ki baavadi, jyaan me sheetal neer,
aapaan ral mil nhaavasyaan, nanadal baai ra beer,
umaraav thaari chalagat pyaari laage mhaara raaj,
o ji umaraav, thaari boli meethi laage mhaara raaj,
umaraav thaari boli meethi laage, mhaara raaj
mhaara saaheba, o ji mhaara raaj
chaandi ko ek baatako, jyaame bhoora bhaat,
hukum devon sarakaar the, jeemaan donyoon saath,
aji sirakaar thaane, pankhiyon dhulaaoon mhaara raaj,
o ji umaraav, thaari boli meethi laage mhaara raaj,
umaraav thaari boli meethi laage, mhaara raaj
umaraav ji, o ji umaraav
peev aaya parades se, jaajam dei bichhaay,
tan man ki pher puchhasyaan, hivade lyo lipataay,
o ji hukum karo to dhan, thaari haajar hai mhaara raaj,
o ji umaraav, thaari boli meethi laage mhaara raaj,
umaraav thaari boli meethi laage, mhaara raaj
umaraav ji, o ji umaraav
aap jharaukhe baithata, alabaliya siradaar,
haazar rahati gauradi kar sola sinagaar,
ho ji sarakaar, thaari soorat pyaari laagai mhaara raaj,
mhaara saaheba, o ji mhaara raaj
