कळप मत काछब कुड़ी ए
राम की बाता रूडी ए
भक्ति का भेद भारी रे
लखे कोई संतां का प्यारा
काछवो काछवि रेता समुन्द्र मैं
होया हरी का दास
साधू आवत देख के रे
सती नवाया शीश
पकड़ झोली म घाल्या रे
मरण की अब के बारी रे
कहे काछवि सुण ए काछवा
भाग सके तो भाग
घाल हांडी में तने छोड़सी रे
तले लगावे आँच
पड्यो हांडी में सीज रे
कथे तेरो कृष्ण मुरारी रे
कहे काछवो सुण ए काछवी
मन में धीरज राख
त्यारण वालो त्यारसी रे
सीतापति रघुनाथ
भगत नै त्यारण आवे रे
गोविन्दो दोड्यो आवे रे
कहे काछवो सुण रे सांवरा
भव लगादे पार
आज सुरज या मौत नहीं आवे
आवे भक्त के काम
भगत की हांसी होव रे
ओळमो थाने आवे रे
उतराखंड से चली बादळी
इन्द्र रयो घरराय
तीन तूळया की झोपड़ी रे
चढ़ी आकाशा जाय
धरड धड इन्द्र गाजे रे
पाणी की बूंदा बरसे रे
किसनाराम की विनती साधो
सुनियो चित्त लगाय
युग युग भगत बचाइया रे
आयो भगत के काम
गावे यो जोगी बाणी रे
गावे यो पध निरबाणी रे
kalap mat kaachhab kudi e
ram ki baata roodi e
bhakti ka bhed bhaari re
lkhe koi santaan ka pyaaraa
kaachhavo kaachhavi reta samundr main
hoya hari ka daas
saadhoo aavat dekh ke re
sati navaaya sheesh
pakad jholi m ghaalya re
maran ki ab ke baari re
kahe kaachhavi sun e kaachhavaa
bhaag sake to bhaag
ghaal haandi me tane chhodasi re
tale lagaave aanch
padyo haandi me seej re
kthe tero krishn muraari re
kahe kaachhavo sun e kaachhavee
man me dheeraj raakh
tyaaran vaalo tyaarasi re
seetaapati rghunaath
bhagat nai tyaaran aave re
govindo dodyo aave re
kahe kaachhavo sun re saanvaraa
bhav lagaade paar
aaj suraj ya maut nahi aave
aave bhakt ke kaam
bhagat ki haansi hov re
olamo thaane aave re
utaraakhand se chali baadalee
indr rayo ghararaay
teen toolaya ki jhopadi re
chadahi aakaasha jaay
dharad dhad indr gaaje re
paani ki boonda barase re
kisanaaram ki vinati saadho
suniyo chitt lagaay
yug yug bhagat bchaaiya re
aayo bhagat ke kaam
gaave yo jogi baani re
gaave yo pdh nirabaani re
